2017-09-13 17:29 ნანახია: 1394-ჯერ

მსოფლიოს უმდიდრესი ადამიანები $8,3 მილიარდით გამდიდრდნენ

Forbes-ის მსოფლიოს ყველაზე მდიდარი ადამიანების სიის პირველი შვიდეული ერთ დღეში $8,3 მილიარდით გამდიდრდა. პლანეტის ყველაზე მდიდარი ადამიანის ბილ გეითსის ქონება 12 სექტემბერს $277 მილიონით გაიზარდა და $85,3 მილიარდს მიაღწია. ამის მიზეზი Microsoft -ის აქციების ფასის 1,05%-იანი მატება გახდა $74,7-მდე. დღეს გეითსის ქონება $85.4 მილიარდს შეადგენს.

გაიზარდა Amazon-ის აქციების ფასიც. 1,25%-იანი მატების შემდეგ კომპანიის აქციები $977,9-იან ნიშნულზე ივაჭრება. შედეგად, კომპანიის დამფუძნებლის ქონება $83,3 მილიარდამდე გაიზარდა. დღეს მისი ქონება
$83.7 მილიარდს შეადგენს.

Zara-ს დამფუძნებლის ქონება გუშინ $2,2 მილიარდით გაიზარდა და $82,3 მილიარდი შეადგინა.

$926 მილიონით გამდიდრდა უორენ ბაფეტი და მისმა ქონებამ $76,4 მილიარდი შეადგინა. საკუთარ ქონებას $1 მილიარდი შემატა მარკ ცუკერბერგმაც. ამჯერად ცუკერბერგის ქონება $71.9 მილიარდს შეადგენს.
ერთ დღეში $661 მილიონით, $70,1 მილიარდამდე გაიზარდა კარლოს სლიმის ქონება.

12 სეტქემბერს Oracle-ის დამფუძნებლის ლარი ელისონის ქონება $975 მილიონით გაიზარდა და $63,5 მილიარდი შეადგინა.

ფრანგი ბიზნესმენის ბერნარ არნოს ქონება კი $1,3 მილიარდით გაიზარდა და $58,4 მილიარდი შეადგინა.

წყარო

საიტზე გამოქვეყნებული ნებისმიერი პუბლიკაცია წარმოადგენს ინტერნეტ-პორტალის საკუთრებას და მისი მთლიანად ან ნაწილობრივ კომერციული თუ არაკომერციული მიზნებით არალიცენზირებული კოპირება აკრძალულია. ლიცენზირებისათვის მოგვწერეთ ელფოსტაზე: contact.statia.ge@gmail.com