2017-11-13 11:23 ნანახია: 120-ჯერ

ქუთაისში, სადაც ამომრჩეველთა აქტივობა 17.98 პროცენტი იყო, “ქართული ოცნების” კანდიდატმა გაიმარჯვა

ქუთაისში, სადაც ადგილობრივი თვითმმართველობის არჩევნების მეორე ტურზე ამომრჩეველთა აქტივობამ 17.98% -ი შეადგინა, წინასწარი მონაცემებით, ქართული ოცნების კანდიდატმა გიორგი ჭიღვარიამ გაიმარჯვა. 

ცესკოს მიერ გამოქვეყნებული ოქმებით სწორედ მას აქვს ხმების უმრავლესობა მოპოვებული, თუმცა ხმები ასევე მიიღო ენმ-ს კანდიდატმა გრიგოლ ვაშაძემ, რომელმაც მეორე ტურში მოხსნა კანდიდატურა. 

კანონმდებლობის თანამხმად, ვაშაძის გვარი მაინც იყო მითითებული ბიულეტენებში, რადგანაც პირველ ტურში სწორედ ის გავიდა მეორე ადგილზე და ამომრჩეველტა ხმების 27.04% [14084 ხმა] მიიღო. 

ჯერჯერობით უცნობია მისული ამომრჩევლების რა პროცენტი მიიღო გამარჯვებულმა კანდიდატმა მეორე ტურში. ინფორმაციას ცესკოს მონაცემების განახლებისთანავე განვაახლებთ. 

დღეს საქართველოს  6 მუნიციპალიტეტში ადგილობრივი თვითმმართველობის არჩევნების მეორე ტური გაიმართა. ამომრჩევლები მხოლოდ ერთ ბიულეტენში ააკეთებდნენ არჩევანს, სადაც მითითებული იქნება შემდეგი კანდიდატები:

  1. ქუთაისი: გიორგი ჭიღვარია (ქართული ოცნება) – გრიგოლ ვაშაძე (ენმ)
  2. მარტვილი: ალექსანდრე გრიგლავა (ქართული ოცნება) – მამუკა დანელია (ენმ)
  3. ოზურგეთი: ბეგლარ სიორიძე (ქართული ოცნება) – კონსტანტინე შარაშენიძე (დამოუკიდებელი კანდიდატი)
  4. ხაშური: გიორგი გურასპაშვილი (ქართული ოცნება) – რამაზ ნოზაძე (დამოუკიდებელი კანდიდატი)
  5. ბორჯომი: ლევან ლიპარტია (ქართული ოცნება) – ზაზა ჩაჩანიძე (პატრიოტთა ალიანსი)
  6. ყაზბეგი: ალექსანდრე ზაგაშვილი (ქართული ოცნება) – სანდრო ყამარაული (დემოკრატიული მოძრაობა-თავისუფალი საქართველო).

ადგილობრივი თვითმმართველობის არჩევნების პირველი ტური საქართველოში 21 ოქტომბერს ჩატარდა.

წყარო

საიტზე გამოქვეყნებული ნებისმიერი პუბლიკაცია წარმოადგენს ინტერნეტ-პორტალის საკუთრებას და მისი მთლიანად ან ნაწილობრივ კომერციული თუ არაკომერციული მიზნებით არალიცენზირებული კოპირება აკრძალულია. ლიცენზირებისათვის მოგვწერეთ ელფოსტაზე: contact.statia.ge@gmail.com